Kryebashkijakja e Amsterdamit, Femke Halsema, po planifikon të ndalojë kafenetë që t’u shesin kanabis turistëve.

Sipas saj, zbatimi i kriterit vetëm për banorët është “i domosdoshëm” që bashkia të marrë kontrollin e tregut të kafeneve dhe “i pandashëm” nga çdo zbutje e politikës së kanabisit, si kultivimi i rregulluar apo stoqet e zgjeruara tregtare, transmeton portal arbresh.info

“Mbi tre milionë turistë të huaj vizitojnë kafenetë në Amsterdam çdo vit. Ata e kanë bërë tregun e kanabisit në kryeqytet në mënyrë të pakontrolluar dhe një portal për krimet e rënda”, tha Halsema.

Së bashku me letrën e saj drejtuar këshillit të qytetit të hënën, Halsema publikoi kërkime shkencore mbi kriterin vetëm për banorët, në të cilin kafenetë mund të shesin kanabis vetëm për njerëzit që janë banorë të Amsterdamit.

Studiuesit nga Bureau Breuer & Intraval paralajmëruan se kriteri do të kishte pasoja serioze financiare për kafenetë e Amsterdamit, veçanërisht në qendrën e qytetit ku qiratë janë të larta.

Amsterdami aktualisht ka 166 kafene. Prandaj, studiuesit presin që disa kafene do të falimentojnë, ndërsa të tjerat do të vazhdojnë t’u shesin turistëve për të vazhduar me kostot e funksionimit.

Studiuesit thanë se pasojat për tregtinë në rrugë janë të pasigurta. Ata presin që tregtarët e rrugës që tani shesin “drogë të rreme” ose droga të forta do ta zgjerojnë shpejt ofertën e tyre me droga të lehta me cilësi të mirë. Disa turistë mund t’u drejtohen tregtarëve të rrugës, por studiuesit nuk mund të vlerësonin se sa mund të jetë numri i tyre./arbresh.info/